La jenaj muzikaĵoj estas publikigitaj sub la permesilo «Krea Komunaĵo Zero 1.0». La unua estas mia versio de la fieriganta kanto de nia popolo. La dua estas la himno de Mezbonio, kiu estis mikronacio farita de mi en la oka grado.
Mi faris la ceterajn muzikaĵojn por vidila ludo farota de mi. Ĝi estos nova versio de S.A.T.T.M.Y.F, kiu estas unu el miaj antaŭaj ludoj. Tio ludo vere nur estas marŝosimulilo, kaj miapense la malmulto da vera ludado en ĝi estas tre malbone programita. Malgraŭ ke mi fieras ĉar mi plenfaris ludon tiel grandan, mi kredas ke mi povas multe plibonigi ĝin. Mi esperas oficiale publikigi ĉi tiujn muzikaĵojn sub Krea Komunaĵo permesilo se/kiam la ludo estos plenfarita. Almenaŭ vi nuntempe povas aŭskulti ilin.
Tio estas muzikaĵo farita por Frantically Generated, ludo submetita por «GMTK Jam 2023». Ĝi nun estas uzata en la plej nova versio de la ludo. Tiu ĉi specifa muzikaĵo estas publikigata sub la permesilo Krea Komunaĵo Zero 1.0.
Antaŭ multaj jaroj mi faris du muzikarojn kaj alŝutis ilin al Bandkamp'. Mi forgesis ilin ĝis nun. Mi ne sciis, ke oni povas meti muzikaĵojn de Bandkamp' en siaj retejoj kiel vi vidas sube, malgraŭ ke mi vidis tiajn aferojn en aliaj retejoj. Tiom mi forgesis tiujn ĉi muzikarojn. Ĉar mi nun scias, jen ili. Mi eldonis ilin tiam sub la permesilo Krea Komunaĵo 3.0 Atribuite-Samkondiĉe. Se mi ne estus maldiligenta, mi metus ilin en la publikhavaĵo, sed mi ne volas eniri al mia konto por ke mi ĝisdatigu la permesilon.